Чоршанба куни "Астон Вилла" Чемпионлар лигаси доирасида "Бавария"ни қабул қилади.
Бирмингем жамоаси учун бу 41 йил ичида энг нуфузли еврокубокдаги илк уй учрашувидир.
"Бу ақл бовар қилмайдиган ўйин бўлади, ишончим комил. Кўп йиллар давомида "Вилла Парк"даги биринчи Чемпионлар лигаси ўйини. Мухлислар учун ҳам, биз футболчилар учун ҳам катта воқеа. Ўзингизни энг юқори даражада кўрсатиш учун ажойиб имконият. Бу даражадаги рақиблар билан учрашув айнан биз хоҳлаган нарсадир. Биз бошлашни интиқлик билан кутмоқдамиз", деди бирмингемликлар ҳужумчиси Олли Уоткинс УЕФА расмий сайтига берган интервьюсида.
