Мадриднинг «Реал» клуби «Ливерпуль»нинг Орельен Тчуамени трансфери бўйича таклифини тинглашга тайёр. "Fichajes" нашри маълумотларига кўра, мерсисайдликлар франциялик футболчи учун 75 миллион евро миқдорида товон пули тўлашга тайёр.
Эслатиб ўтамиз, Тчуамени 2022 йилнинг ёзида Франциянинг «Монако» клубидан «Реал»га ўтган эди. Ўша трансфер ойнасида «Ливерпуль» ҳам Орельенни сотиб олишга қизиққан эди, аммо ярим ҳимоячи «Сантьяго Бернабеу»га ўтишга қарор қилди.
24 ёшли Тчуамени жорий Испания чемпионатида 7 та ўйин ўтказди, бироқ бирорта ҳам самарали ҳаракатни амалга ошира олмади.
