"Барселона" Чемпионлар лигаси умумий босқичининг 2-турида "Янг Бойз" дарвозасига жавобсиз 5 та гол уриб, 1-турдаги "Монако"га қарши ўйиндаги муваффақиятсизлигини ювишга ҳаракат қилди.
Ёзда Испания терма жамоаси билан Европа чемпиони бўлган вундеркинд Ламин Ямал Чемпионлар лигаси рекордларини ўрнатишда давом этмоқда. Бу сафар, албатта, у асосий таркибда майдонга тушди, бу унинг Чемпионлар лигасидаги тўққизинчи ўйини бўлди.
Бу борада у Жуд Беллингем ва Уоррен Заир-Эмери каби футболчиларни ортда қолдирди - уларнинг ҳар иккиси ҳам 18 ёшгача ўз жамоасида саккиз бор асосий таркибда майдонга тушган.
