Дортмунднинг «Боруссия» клуби ҳужумчиси Карим Адейеми Чемпионлар лигаси умумий босқичи 2-турида Шотландиянинг «Селтик» клуби устидан қозонилган ғалабадан сўнг ўз ҳис-туйғулари билан ўртоқлашди. «Асаларилар» 7:1 ҳисобида ғалаба қозонди ва ҳужумчи хет-трик қайд этди.

«Мен хурсандман, жамоа ажойиб ўйин ўтказди. Биз етти марта гол урдик, бу Дортмунд учун Чемпионлар лигасида ақл бовар қилмайдиган оқшом бўлди. Худди шундай ўйнашда давом этсак, яна финалга чиқиш имконияти бор. Хет-трик? Мен голларимдан мамнунман, менга энг кўп иккинчи гол ёқди», - дея футболчининг сўзларини келтиради УЕФА матбуот хизмати.

Икки ўйиндан сўнг дортмундликлар олти очкога эга бўлишди. 3-турда немислар Мадриднинг «Реал»ига қарши баҳс олиб боради.