"Манчестер Юнайтед"нинг собиқ футболчиси Гари Невилл Гарет Саутгейтнинг жамоага бош мураббий этиб тайинланиши ҳақида гапирди.
Англия терма жамоасининг собиқ бош мураббийи тез орада ишдан бўшатилиши мумкин бўлган Эрик тен Хаг ўрнига асосий номзодлардан бири ҳисобланади.
"Ўтган мавсумда айтганимдек, «Манчестер Юнайтед»да Саутгейтни ҳеч қачон кўрмайман. Клуб бу қарорни қилади деб ҳеч ўйламайман.
Унинг номзодини қўллаб-қувватловчи ягона нарса шундаки, у ўтмишда спорт директори Ден Эшворт билан ишлаган.
Клуб мухлислари бу фикрни қўллаб-қувватламайди, деб ўйламайман, улар шубҳа билан қарашади. Гаретнинг фақат битта устунлигини айта оламан - у кийиниш хонасида жамоанинг муаммоларини ҳал қила оларди", - дея Невилдан иқтибос келтиради Goal.
