"Милан" ҳужумчиси Альваро Мората шаҳар мэри Корбетнинг ҳаракатларидан норози бўлди.
Испаниялик ҳужумчи Миландан 25 километр узоқликда жойлашган шаҳарга жойлашишни режалаштирган. Мората яқин кунларда янги уйга кўчиб ўтмоқчи бўлди, бироқ мэрнинг гапи туфайли режаларини ўзгартирди.
Мэр Марко Балларини ижтимоий тармоқларда шундай деди: "Чемпион Альваро Мората шаҳримизнинг янги резиденти".
"Ҳурматли жаноб мэр, менинг махфийлигимни бузганингиз учун раҳмат. Яхшиямки, ёнимда ҳеч қандай қимматбаҳо нарса йўқ. Менинг ягона бойлигим – болаларим. Энди яшаш жойимни ўзгартиришимга тўғри келади, чунки муниципалитет ижтимоий тармоқлардан қандай фойдаланишни ва фуқароларни ҳимоя қилишни билмайди”, — деб ёзди Мората ижтимоий тармоқларда.
