"Астон Вилла" дарвозабони Эмилиано Мартинес жамоаси билан барча совринларни ютиш истагини билдирди.
"Мен ўсишда ва энг яхши бўлишда давом этаман. "Астон Вилла" билан ҳамма нарсада ғалаба қозонишни истайман. Ўз олдимга Чемпионлар лигасида ўйнашни мақсад қилиб қўйдим ва бунга эришдим. Ўсишни давом эттирмоқчиман ва буни ҳар бир ўйинда кўрсатишга ҳаракат қиламан", деди Эмилиано.
Мартинес Чемпионлар лигаси гуруҳ босқичининг сўнгги турида рамзий терма жамоага киритилди. Аргентиналик футболчи “Астон Вилла”да 2020 йилнинг ёзидан буён ўйнаб келмоқда.
