"Манчестер Сити" бош мураббийи Пеп Гвардиола клубдаги фаолияти ҳақида фикр билдирди.
"Мен бу клубнинг бир қисмиман ва клубни ҳимоя қилишнинг энг яхши йўли бу ўйинларда ғалаба қозониш ва энг яхши ишни қилишдир. Албатта, клубимни ҳимоя қиламан. Мен ҳаммага – хўжайинга, раисга, директорга ва бу ерда узоқ йиллар ишлаган барчага ишонаман. Уларни сизлардан кўра яхшироқ биламан.
Саккиз ёки тўққиз йил ичида ҳар доим турли хил вазиятлар содир бўлади. Биз шикоят қилмаймиз, фақат ишимизни қиламиз. Мен шунчаки мураббий эмасман - мен бу клубнинг бир қисмиман. Мен бу клубни яхши кўраман ва доим шундай бўлиб қоламан", - деди Гвардиола матбуот анжуманида.
