“Ювентус” марказий ҳимоячиси Глейсон Бремер тиззасидан жароҳат олди. Бразилиялик футболчи Чемпионлар лигаси умумий босқичи 2-тури доирасидаги "РБ Лейпциг"га қарши ўйин бошида жароҳати туфайли алмаштирилди.
"Бундай жароҳатдан кейин ўртача тикланиш вақти ҳақидаги маълумотларга кўра, Бремер олти ярим ойдан сўнг машғулотларга, етти ярим ойдан кейин майдонга қайтиши мумкин.
Унинг аввалги даражасига қайтишига кафолат бўлмайди, бироқ статистик маълумотларга кўра, бундай вазиятларда футболчиларнинг 90% дан ортиғи ўзининг энг яхши формасига қайтади", - дея "Ювентус" собиқ шифокорининг сўзларини келтиради Calciomercato.
