Қанот ҳужумчиси Ферран Торрес доимий равишда клубдан кетиши борасида хабарлар чиқадиган "Барселона" ўйинчиларидан биридир.

Яқинда матбуотда испаниялик футболчининг қишки трансфер ойнасида "Ювентус"га ўтиши мумкинлиги ҳақида маълумот пайдо бўлди. Diario Sport хабарига кўра, Торресни январда сотиш жуда даргумон, чунки "Барселона" мавсум давомида футболчини йўқотишни истамайди. Қолаверса, Ферраннинг ўзи ҳам ҳалигача кетиш ниятида эмас.

Торрес ушбу мавсумда Ханс-Дитер Флик шогирдлари сафида тўққизта ўйинда майдонга тушиб, битта гол ва иккита голли узатмага муаллифлик қилган. Transfermarkt портали маълумотларига кўра, 24 ёшли футболчининг нархи 30 миллион еврони ташкил қилади.