"Реал"нинг собиқ ҳужумчиси Хоселу "Қироллик клуби" футболчиси Дани Карвахалнинг жароҳати ҳақида фикр билдирди. Футболчи кеча "Вильярреал"га қарши ўйинда (2:0) жароҳат олганди.
"Бу мен билан содир бўлса яхши бўларди. Мен буни кўз ёшларим билан ёзяпман. Ишончим комилки, Дани бу йўлни муносиб босиб ўтади. Мен сиз биланман", - деб ёзган испаниялик ҳужумчи ижтимоий тармоқларида.
Карвахаль яқинда орада операция қилинади. Футболчининг тикланишининг аниқ муддати ҳали эълон қилинмаган. Тўққиз ўйиндан сўнг “Реал” 21 очко тўплади ва Ла Лига турнир жадвалида иккинчи ўринда бормоқда.
