"Ливерпуль" ҳалигача Муҳаммад Салоҳ, Виржил ван Дейк ва Трент Александр-Арнольд билан янги шартномалар тузишдан йироқда.
Учаласининг ҳам амалдаги шартномаси келаси йилнинг ўрталарида тугайди. Клуб уларнинг ҳар бири билан ҳамкорликни давом эттиришдан манфаатдор, бироқ ҳозирча шартларни келишиб олинмаган. Журналист Пол Жойснинг сўзларига кўра, "Ливерпуль" раҳбарияти яқинда Салоҳ, ван Дейк ва Трент вакиллари билан боғланган, бироқ муҳокамаларда ҳеч қандай муваффақиятга эришилмаган, вазият ўзгаришсиз қолмоқда.
Миш-мишларга кўра, мисрлик форвард ва нидерландиялик марказий ҳимоячига Саудия Арабистонининг "Ал-Аҳли" клуби даъвогарлик қилмоқда, инглиз ўнг қанот ҳимоячисига эса "Реал Мадрид" қизиқмоқда.
