"Барселона" вингери Ферран Торрес ўнг сонидан жароҳат олди. Футболчининг машғулотларга қайтиш вақти унинг тикланиш тезлигига боғлиқ бўлади.
Бу ҳақда Каталония клуби матбуот хизмати хабар берди.
Эслатиб ўтамиз, Торрес “Алавес”га қарши ўйинни (3:0) асосий таркибда бошлаган бўлса-да, беш дақиқадан сўнг жароҳати туфайли Эрик Гарсияга алмаштирилди.
Шу сабабли, Ферран Испания терма жамоасининг Дания (12 октябрь) ва Сербия (15 сентябрь) терма жамоаларига қарши ўйинларини ўтказиб юборади.
Жорий мавсумда Торрес барча турнирларда 10 та ўйин ўтказиб, битта гол ва иккита голли узатмага муаллифлик қилган.
