Жоан Лапорта Андрес Иньестанинг хайрлашув тадбирида Хави билан саломлашмади.
Бугун Иньеста 40 ёшида фаолиятини якунлаганини эълон қилди. «Барселона» президенти ва собиқ бош мураббийи Андреснинг профессионал футболдаги фаолиятини якунлашига бағишланган тадбирда иштирок этишди.
"AS" нашрининг ёзишича, Лапорта ва Хави тадбир давомида бир-бирлари билан мулоқот қилишмаган – улар турли вақтларда келишган ва уларнинг аудиториядаги жойлари анча узоқда бўлган. Қолаверса, «Барселона»нинг собиқ бош мураббийи тадбирга ташриф буюрган Деку, Боян Кркич ва Ханси Фликлар билан ҳам мулоқот қилмади.