Ўзбекистон терма жамоаси вингери Аббосбек Файзуллаев Эронга қарши ўйиндан аввал ўз фикрларини билдирди.
«Катанец билан содир бўлаётган вазият биринчиси эмас. Мистерга соғлик тилаймиз. Тезроқ соғайиб, жамоамизга қайтса, бизга катта ёрдам бўлади. Жамоа анчадан бери бирга. Майдонда ким нима қилиш керак эканлигини билади. Эронни унча кузатиб бормайман, аммо улар кучли эканлигини биламан. ЖЧ саралашидаги ҳар бир ўйин ва ҳар бир очко муҳим. Якунда 1 дона гол ёки очко ҳаммасини ҳал қилиши мумкин. Эртага ғалаба қозониб, 3 очкони қўлга киритмоқчимиз», - деди яқинда 21 ёшга тўлган футболчимиз.
Эслатиб ўтамиз, Ўзбекистон - Эрон учрашуви эртага, 10 октябрь куни 19:00 да старт олади.
