"Манчестер Юнайтед" бош мураббийи Эрик тен Хаг яқин орада истеъфога чиқарилмайди.

Яқинда клуб раҳбарлари йиғилиш ўтказиб, унда нидерландиялик мураббийнинг келажаги ҳақида сўз юритилди, бироқ бир овоздан қарор қабул қилинмади. Тен Хаг, аввалроқ кутилганидек, халқаро танаффус охиригача ишдан бўшатилмайди. TBR Football хабарига кўра, мутахассиснинг асосий вазифаси клубни Чемпионлар лигасига қайтаришдир. Бунинг учун нафақат чемпионатдаги натижаларни яхшилаш, балки Европа Лигаси орқали ҳам эришиш мумкин – турнирдаги ғалаба энг нуфузли еврокубок йўлланмасини беради.