Португалия терма жамоаси ва "Манчестер Юнайтед"нинг ҳужумкор ярим ҳимоячиси Бруну Фернандеш ўзини қандай ҳис қилаётгани ҳақида гапирди.
"Мен ўзим учун гапираман. "Манчестер Юнайтед" учун энг ижобий вазият эмас, чунки биз ўйинларда ғалаба қозонмаяпмиз ва терма жамоадаги вазият бутунлай бошқача. Жамоа ғалаба қозониш учун майдонга тушади ва ривожланиш динамикаси яхши бўлган жойда ўзимни жуда қулай ҳис қиляпман", - деди футболчи.
АПЛнинг 7 туридан сўнг “Манчестер Юнайтед” 8 очко жамғариб, 14-ўринда бормоқда. Октябрь ойида Португалия терма жамоаси Миллатлар лигасида иккита ўйин ўтказади.
