Эрик тен Хагнинг "Манчестер Юнайтед"даги собиқ ёрдамчиси Бенни Маккарти жамоа футболчиларининг амбициялари ҳақидаги саволга жавоб берди.
Жанубий африкалик мураббий "қизил иблислар" мураббийлар штабида икки йил ишлади. У жорий мавсум бошланишидан олдин ўз лавозимини тарк этди.
"Манчестер Юнайтед" футболчиларида амбиция йўқлиги? Буни ташқаридан айтиш осон. Аммо бу йигитларнинг ҳар куни машғулотларда ишлаётганини кўрсангиз, уларнинг профессионаллигини кўрасиз ва кейин ўйлайсиз: "Бу ҳақиқатан ҳам энг юқори даража", - деб Маккарти сўзларини келтирмоқда The United Stand.
