Мадриднинг “Реал” клуби ярим ҳимоячиси Лука Модрич Хорватия терма жамоаси сафида навбатдаги ўйинни ўтказди.
39 ёшли футболчи Миллатлар лигаси доирасидаги уй учрашувида (2:1) Шотландияни мағлуб этишда "шашкачилар"га ёрдам берди.
Юлдузли ярим ҳимоячи учун бу ўйин Хорватия терма жамоаси сафидаги 181-учрашув бўлди - Европа жамоаларининг барча вакиллари орасида тарихдаги иккинчи кўрсаткич.
Модрич Испания терма жамоаси сафида 180 ўйин ўтказган собиқ жамоадоши Серхио Рамосдан ўзиб кетди.
Рейтинг етакчиси Португалия терма жамоаси сафида 213-ўйинини ўтказган Криштиану Роналду бўлиб турибди.
