"Челси" ҳимоячиси Марк Кукурелья Испаниянинг Европа чемпионати финалидаги ғалабасидан сўнг Англияда одамлар унга бошқача муносабатда бўлганини айтди.
Футболчининг фикрича, бу ҳатто ҳакамлар фаолиятида ҳам ўз ифодасини топмоқда.
Эслатиб ўтамиз, Евро-2024 финалида Испания терма жамоаси Англияни 2:1 ҳисобида мағлуб этганди.
"Ушбу Англия чемпионатида мен бешта сариқ карточка олдим, гарчи кам қоидабузарлик қилган бўлсам ҳам.
Айниқса, сафар ўйинларида менга нисбатан салбий муносабат бор. Бу нормал ҳолат, чунки биз Еврони ютиб олдик.
Финалда Оярсабалга голли узатма бердим, ҳозир эса уларнинг уйида ўйнаяпман. Британияликлар яраланган", - деди Кукурелья.
