“Манчестер Сити” футболчиси Жек Грилиш Англия терма жамоаси сафида яна бир бор гол урди.

29 ёшли футболчи Миллатлар лигаси ўйинининг 18-дақиқасида дарвозани ишғол қилиб, финляндиялик рақибларини хафа қилди. Учрашув 3:1 ҳисобида “уч шерлар” фойдасига ҳал бўлди.

Грилиш вақтинчалик бош мураббий Ли Карсли қўл остида Англия терма жамоаси сафида учта ўйинда иккита гол урди. Ҳужумкор ярим ҳимоячи собиқ бошқарувчи Гарет Саутгейт қўл остида 36 та ўйин ўтказиб, тўрт йил ичида 2 та гол урган эди.

14 ноябрь куни Англия терма жамоаси Миллатлар лигасининг 5-тури доирасида Греция термаси билан меҳмонда баҳс олиб боради.