Футбол бўйича Африка Миллатлар Кубоги саралашидан ўрин олган Ливияга қарши сафар учрашуви олдидан Нигерия қийинчиликларга дуч келди.
Жамоа ўйинга учиб кетаётган эди. Манзилга қўниш олдидан самолёт зудлик билан бошқа аэропортга йўналтирилган.
Мезбон жамоа керакли транспорт тақдим қилмаган ва Нигерия миллий жамоаси аэропортда овқат ва сувсиз қолиб кетган. Шунингдек, яқин атрофдаги меҳмонхоналарда ухлаш имконияти ҳам бўлмаган, чунки уларга нигерияликларни жойлаштириш тақиқланган.
Жамоа сардори буни шармандалик деб атади ва жамоа ўйинни ўтказмасликка қарор қилганини айтди. Бироқ бош мураббий ўйнашга тайёр ва Африкада бундан ҳам ёмонроқ нарсаларни кўрганини айтган.
Эътиборлиси, шу куни Нигерия учун рухсат берилмаган аэропортга Судан ва Гана терма жамоалари қўнган.
Нигерия Ливияни осон очко олиш учун ўйинни бузишда айбласа, ливияликларнинг айтишича, айнан нигерияликлар биринчи бўлиб, бир неча кун олдин уларни ёмон қабул қилган ва уларни ҳам аэропортда бир неча соат қолиб кетишга мажбур қилган.
Eagle Online нашрининг хабар беришича, Нигерия футбол федерацияси Африка футбол конфедерациясини учрашувга сафар пайтида юзага келган можаро ва саралаш ўйинини бойкот қилиш қарори ҳақида хабардор қилган.
