Каталониянинг "Барселона" клуби ҳимоячиси Рональд Араухо "кўк-анорранглилар" билан янги меҳнат шартномасини имзолаши мумкин, деб хабар беради Mundo Deportivo.

Манбага кўра, уругвайлик футболчига Ханс-Дитер Флик жамоага бош мураббий этиб тайинланганидан сўнг жамоанинг ўзгариши ёқмоқда. Рональд каталонияликлар билан янги шартнома имзолаши эҳтимоли катта.

25 ёшли ҳимоячи "Барса"да 2020 йилнинг октябридан буён тўп тепмоқда. Томонлар ўртасидаги амалдаги шартнома 2026 йилнинг ёзида якунига етади. Transfermarkt портали футболчининг нархини 70 миллион еврога баҳолаган.