Дортмунднинг "Боруссия" клуби собиқ бош мураббийи Эдин Терзич ишга қайтишга тайёрлигини тан олди.
Немис мутахассиси ўтган мавсум якунида жамоа Чемпионлар лигаси финалига қадар етиб борган "асаларилар" сафини тарк этганди. 41 ёшли мураббий ишдан бўшатилиш арафасида турган Эрик тен Хагнинг ўрнига "Манчестер Юнайтед"га тайинланиши мумкинлиги айтилмоқда.
"Фаолиятимнинг кейинги бобига тайёрман. Бу боб қаерда ва қачон бошланишини билмайман, лекин мен тайёрман. Мен ёш мураббийман ва барча мавсумда жамоам совринлар учун курашган.
Бахтимга биринчи йили Германия кубогини қўлга киритишга муваффақ бўлдим. Ўшанда биз Бундеслигада тўплар нисбати бўйича иккинчи ўринда қолдик ва учинчи мавсумимизда Чемпионлар лигаси финалига чиқдик. Энди мен янги вазифани ўз зиммасига олмоқчиман, - дейди Терзич.
