Дарвозабон Гиорги Мамардашвили «Ливерпуль»нинг биринчи рақамли дарвозабони бўлиш учун Алиссон Беккерга рақобат қўйишга тайёр.
«Менга «Ливерпуль» лойиҳаси ёқади. Клуб вакиллари шартнома таклиф қилишганда ҳаммасини батафсил тушунтириб беришди. Мен Алиссон билан жамоа асосий таркибидан жой олиш учун курашиш ниятидаман», - деди грузиялик дарвозабон.
Мамардашвили ҳозирда «Валенсия» сафида Испания чемпионатида тўп тепмоқда. Гиорги 2024/2025 йилги мавсум якунида Англия топ-клубига келиб қўшилади. 24 ёшли грузиялик дарвозабоннинг трансфер қиймати 45 миллион еврога баҳоланмоқда.
