«Реал» ярим ҳимоячиси Месут Ўзил кеча бўлиб ўтган «Малага»га қарши ўйинда жарохат олди ва ўйинни давом эттира олмади.
Ўйиннинг 82-дақиқасида Германия терма жамоаси ярим ҳимоячиси тиббиёт ходимлари ёрдамида майдонни тарк этди. Бу вақтга келиб, Жозе Моуриньо барча ўзгаришлардан фойдаланиб бўлган эди ва мадридликлар ўйинни 10 киши бўлиб якунлашга мажбур бўлишди.
Шуни ҳам таъкидлаш кераки, «Малага» ўйинни 9 киши бўлиб якунлади. Улар таркибида икки футболчи қизил карточка олиб майдонни тарк этган эди.













