"Байер" бош мураббийи Хаби Алонсо Европанинг топ клубларидан бирига тайинланиши мумкинлиги ҳақида хабарлар тарқалганди. "Доришунослар" спорт директори бунга муносабат билдирди.

"Мен бутунлай хотиржамман, чунки Алонсонинг шартномаси кейинги ёзда ҳам давом этади", - дейди "Байер" директори Саймон Рольфес. - Футболда муҳими бу ерда ва ҳозир нима бўлаётгани. Кеча ёки эртагага кўп эътибор берманг. Спекуляция ўйиннинг бир қисмидир, лекин фақат воқелик муҳим", - дея Рольфес сўзларини келтиради журналист Флориан Плеттенберг.

Хаби Алонсонинг леверкузенликлар билан шартномаси 2026 йилнинг ўрталарига қадар тузилган.