"Борнмут" хўжайини Билл Фоули Португалиянинг "Морейренсе" клубини сотиб олишга яқин турибди.
Black Knight Football Group 2022 йил декабрь ойида "Борнмут"ни 120 миллион фунт стерлингга сотиб олди ва ҳозирда Франциянинг "Лорьян", Янги Зеландиянинг "Окленд" ва Шотландиянинг "Хайберниан" жамоасини ўз ичига олган клублар империясини қурмоқда.
Албатта, "Борнмут" 79 ёшли Фоули империясининг флагмани ҳисобланади. Америкалик бизнесмен еврокубок йўлланмасини қўлга киритишни мақсад қилган ва "олчалар" учун янги стадион қурмоқчи.
i Sport нашри хабарига кўра, Фоули бир мунча вақтдан бери Португалияда "Борнмут"га ўтиш учун иқтидорларни тўплаши ва ривожлантириши мумкин бўлган муносиб клуб қидирмоқда.
"Морейренсе" билан музокаралар аллақачон ривожланган босқичда, аммо Фоули Лиссабондаги "Каза Пия" ва "Эшторил" клубларини захира вариантлари сифатида кўриб чиқмоқда.
