Мадриднинг “Реал” клуби “Ньюкасл”нинг 24 ёшли марказий ярим ҳимоячиси Сандро Тоналига қизиқиш билдирмоқда.
Манбага кўра, "Лос-Бланкос" италиялик футболчини ёзда фаолиятини якунлаган жамоанинг собиқ ярим ҳимоячиси Тони Крооснинг ўрнига кўрмоқда. "Қироллик клуби" 50 млн евро таклиф қилса, "магпилар" Тоналини "Реал"га сотишга рози бўлиши мумкин.
Жорий мавсумда Тонали барча турнирларда олтита ўйинда қатнашиб, унчалик самарали бўлмаган. Футболчининг клуб билан тузилган меҳнат шартномаси 2028 йилнинг ёзига қадар амал қилади.