"Бавария" ҳимоячиси Альфонсо Дэвис келаси ёзда жамоани тарк этиши мумкин. Журналист Кристиан Фалкнинг сўзларига кўра, Дэвис "Реал Мадрид"га ўтишни орзу қилади.
Таъкидланишича, "Бавария" раҳбарияти футболчи билан янги шартнома борасидаги музокараларда танаффусга чиққан, чунки улар унга сўралган йилига 20 миллион еврони тўлашни режалаштирмаяпти. Манбага кўра, клуб Дэвис вакиллари билан мулоқотни давом эттирмоқчи эмас.
Агар ҳимоячи хизматларига қизиқаётган "Манчестер Юнайтед" канадалик талабларини қондиришга тайёр бўлса, "Реал" учун жиддий рақобатчига айланади.
