"Тоттенхэм" бош мураббийи Анге Постекоглу ўзига хос тарзда жамоанинг мақсадлари ҳақида гапирди. Журналистлар Постекоглудан "Тоттенхэм" билан катта муваффақиятларга эришиб бўлмаслигини қабул қиладими ёки йўқлигини сўрашди.

"Дўстим, агар бунга чидай олсам, бу ерда нима қилган бўлардим? Аслида вазиятни ўзгартириб бўлмайди деган қарорга келганимда, ҳозир клубда ўғирлик қилиб тирикчилик қилаётган бўлардим.

Агар ҳеч нарса чиқмаса, айб бутунлай менда бўлади. Мен “Тоттенхэм”даги вазиятни таклифни қабул қилганимда билардим, шунинг учун ҳозир бу ҳақда гапиришдан маъно йўқ", деди Постекоглу.