Сегунданинг 10-туридан ўрин олган "Депортиво" ҳамда "Эльденсе" жамоалари ўртасидаги учрашув Риазорда бўлиб ўтди ва дуранг натижа билан якунланди - 1:1.
Ўйиндан сўнг меҳмонлар кийим алмаштириш хонасидан заргарлик буюмлари, пул ва бошқа қимматбаҳо буюмлар йўқолиб қолгани ҳақида хабар беришди.
"Клуб тегишли шикоят ёзди ва "Депортиво"ни бундан хабардор қилди. Полиция аллақачон ушбу ҳолатни текширмоқда.
Ташкилотимиз маҳаллий клубдан етказилган зарар учун жавобгарликни ўз зиммасига олишни сўрайди", — дейилади хабарда.
Cope хабарига кўра, тўрт нафар футболчидан пул ва бошқа қимматбаҳо нарсалар йўқолган. Ўйинчилардан бири сирға ва узукни йўқотиб қўйганини маълум қилган.
