"Наполи" президенти Аурелио Де Лаурентис вингер Хвича Кварацхелия билан шартнома узайтирилиши мумкинлиги ҳақида гапирди.
"Гап Кварацхелия билан шартномани узайтиришдами? Футболчиларимиз биз хоҳлаганча ва ҳоҳлаганимизча "Наполи"да қолади", - деди Де Лаурентис.
Аввалроқ, 23 ёшли Хвичи Кварацхелиянинг агенти неаполитанликлар клуби раҳбариятидан грузиялик футболчининг янги шартномаси бўйича маоши сифатида 8 миллион евро талаб қилаётгани хабар қилинганди. Кварацхелиянинг "Наполи" билан амалдаги шартномаси 2027 йилнинг ёзига қадар мўлжалланган.
Жорий мавсумда ҳужумчи барча турнирларда 10 та учрашувда қатнашиб, 4 та гол ва иккита голли узатмани амалга оширди.
