20 октябрь куни "Рома" ва "Интер" жамоалари ўртасида А Сериянинг 8-тур учрашуви бўлиб ўтди.
Жамоалар Римдаги "Олимпико" стадионида ўйнашди. Ўйин 1:0 ҳисобида миланликларнинг ғалабаси билан якунланди. "Рома" клуби бош мураббийи Иван Юрич ушбу учрашув ҳақида фикр билдирди.
"Бу кеча учун афсусдаман. Биз кўп вақт ўтказмасдан натижага эришишимиз керак эди. Ўйинчиларнинг ўйнашлари, ўзларини қурбон қилишлари ажойиб бўлди. Менимча, футболчиларимиз ажойиб ўйин ўтказишди. Анчадан бери "Интер"га қарши бундай ўйнамаган эдик.
Дибала? У мудофаа ишларидан чарчаган эди. Бу мен устида ишлашим керак бўлган нарса. Жамоа ўзгача фидойилик кўрсатди, лекин биз энергияни тежаш учун бир-биримиз билан ўйнашни ва камроқ югуришни ўрганишимиз керак" - деди Юрич.
