Чоршанба куни "Барселона" ва "Бавария" Чемпионлар лигаси умумий босқичи 3-туридан ўрин олган ўйинни ўтказади. 2020 йилда жамоалар турнирнинг плей-офф босқичида тўқнаш келишган, ўшанда "Бавария" "Барселона"ни 8:2 ҳисобида мағлуб этган.
Ўша пайтда мюнхенликлар мураббийи Ханс-Дитер Флик эди, у ҳозир каталонияликларни бошқармоқда. AS хабарига кўра, "Бавария"га қарши ўйин олдидан "Барселона" президенти Жоан Лапорта ўша йирик мағлубиятни эслаб ўтган.
"Сиз бизга қарздорсиз. Йирик ҳисобдаги ғалаба қозониш яхши бўларди, аммо ҳар қандай ғалаба ижобий натижа бўларди", - деди Лапорта.
