Ҳозирги кунда "Гулистон" шарафини ҳимоя қилаётган Носир Отақўзиев катта футболга "Нефтчи" сафида кириб келган ва кейинчалик бошқа жамоага ўтиб кетганди. Бугун эса Сирдарёликлар Фарғонада маҳмон бўлишади. Ўйин олдидан Носир Отақўзиев бўлажак ўйин ҳақида ўз фикрлари билан ўртоқлашди.

— «Нефтчи»нинг барибир «Нефтчи» деган номи бор. Ҳозир жамоа омадсизликка учраяпти. Лекин бу ҳамма клубларда ҳам бўлади. «Реал» ва «Барселона»дек клублар ҳам уч-тўрттадан тўп ўтказиб юборишяпти. Футболда сифат деган нарса бор. «Нефтчи» шунга тушиб қолган бўлиши мумкин. Лекин таркибдаги ўйинчилар яхши савияда. Шу пайтгача ўйнаган ўйинларимизданда қийин ўйин бўлади. Бу ҳақида Бахтиёр Ашурматов ҳам айтиб ўтди. Нима бўлса охиригача курашамиз. Аммо қандайдир натижа қайд этамиз деб айта олмайман. Ҳар холда «Нефтчи»ни ҳурмат қиламиз. Ҳеч ким ютқазамиз деб майдонга чиқмайди, — дейди Отақўзиев.