Тажрибали француз мураббийи Жан-Луи Гассе мураббийлик фаолиятида учинчи марта «Монпелье»ни қабул қилиб олди. Аввалроқ Мишель де Закариан ёмон натижалар туфайли Лига 1нинг жорий мавсуми аутсайдер клубини тарк этганди.
Гассе 70 ёшда, ўтган мавсум охирида тажрибали мураббий ҳатто мураббийлик фаолиятини якунлаши ҳақида хабар берилганди. Бироқ, энди у яна собиқ клубига қайтди. Бунгача мутахассис 1998-1999 ва 2017 йилларда «Монпелье»ни бошқарган. 1985-1998 йилларда ушбу клубда ёрдамчи мураббий бўлиб ишлаган.
Гассе футболчилик фаолиятининг 10 йилини ҳам 1975 йилдан 1985 йилгача «Монпелье»да ўтказди.
