Лондоннинг "Арсенал" клуби вингери Габриэль Мартинелли Чемпионлар лигаси доирасидаги "Шахтёр"га (1:0) қарши ўйиндан сўнг интервью берди. "Канонирлар"га 29-дақиқада рақиб дарвозабони Дмитрий Ризникнинг автоголи ғалаба келтирди.

"Энг муҳими ғалаба. Биз қийин бўлишини билардик, аммо вазифани уддалай олдик. Кўпроқ гол уришни истардим, лекин энг муҳими уч очко олиш эди.

Бу менинг голим эди! Улар буни менинг ҳисобимга ёзиши ёки ёзмаслиги, муҳим эмас, биз натижага эришдик, бундан жуда мамнунмиз.

Биз бир нечта муҳим ўйинчиларни йўқотдик ва биз Чемпионлар лигаси ҳеч қачон осон бўлмаслигини биламиз. Премьер-лиганинг сўнгги ўйинида ["Борнмут"га 0:2 ҳисобидаги мағлубият] ишлари яхши кетмади, шунинг учун бугун ғалаба қозониш муҳим эди", - деди Мартинелли.