2023 йил бошида "Челси" вингер Михаил Мудрик учун "Шахтёр"га 70 миллион евро тўлаган. Бироқ украиналик футболчи ҳалигача Лондон жамоасида тўлиқ ўйнагани йўқ.
"Шахтёр"нинг фикрича, "аристократлар" бу футболчидан нотўғри фойдаланмоқда. Бу ҳақда Украина клуби бош директори Сергей Палкин гапирди.
"Агар ҳайдашни билмасангиз, Феррари сотиб олманг. Бу менинг "Челси"даги Мудрик ҳақидаги фикрим.
У майдонда ўзгаришларни амалга оширишга қодир, буни Украина терма жамоаси ўйинларида ҳам кўриш мумкин. Бундай футболчилар жуда кам", - дея Палкиннинг сўзларини келтирмоқда Spox.
