"Манчестер Юнайтед" "Наполи"нинг икки футболчисига эътибор қаратмоқда.

TuttomercatoWeb хабарига кўра, инглиз клуби скаутлари "Наполи"га қарши ўйинда (1:0) вингер Хвича Кварацхелия ва ҳимоячи Алессандро Бонджорнога эътибор беришган. Грузиялик футболчи пенальтидан ғалаба тўпини киритди.

Бонджорно учун неаполликлар тахминан 70 миллион евро сўрашлари мумкин. Кварацхелиянинг потенциал қиймати номаълум - у ҳозирда итальян клуби билан шартномани узайтириш бўйича музокаралар олиб бормоқда ва йилига 8 миллион евро маош сўрамоқда. Айни дамда у мавсумига 1,8 миллион евро маош олади.

Агар янги шартнома имзоланса, Хвичанинг товон пули тахминан 100 миллион еврони ташкил қилиши кутилмоқда.