"Бавария" ҳужумчиси Томас Мюллер Чемпионлар лигаси ўйинида "Барселона"дан учралган мағлубият (1:4) ҳақида фикр билдирди.
"Энг ёқимли туйғу эмас. Биз ғалаба учун келгандик, аммо 1:4 ҳисобида мағлуб бўлдик, шунинг учун олдинда жуда кўп иш бор. Балки охирида ўзимизга ишонч етишмагандир. Биз ўзимиз хоҳлагандек босим қила олмадик, биз хоҳлаган назоратга эга бўлмадик.
Ҳисоб бироз ғалати кўриниши мумкин, аммо тан олишимиз керакки, биз кучли жамоага қарши ўйнадик. Рафинья оқшомни деярли ажойиб ўтказди, биз эса яхши имкониятларни қўлдан бой бердик", деди Мюллер ўйиндан кейинги интервьюсида.
