"Интер" ярим ҳимоячиси Николо Барелла жамоасининг Чемпионлар лигаси доирасидаги "Янг Бойз" устидан қозонилган ғалабаси (1:0) ҳақида фикр билдирди.
"Бу очиқ ўйин бўлди. Биз бошида имкониятларимиздан унумли фойдалана олмадик, кейин эса рақиблар ўзига бўлган ишонч ортди. Чемпионлар лигасида осон ўйинлар бўлмайди. Агар сиз ўзингизни хотиржам ҳис қилсангиз, ишлар мураккаблашиши мумкин.
Захирадан тушган футболчилар ажойиб ўйин кўрсатишди. Кубоклар ва чемпионликлар шу тарзда қўлга киритилади. Характер кўрсатдик ва уч очко учун охиригача курашдик. Бу ғалаба бизга ишонч бағишлайди", - деди Барелла Sky Спорт нашрига.
