Собиқ ҳакам Эдуардо Итурральде Гонсалес "Атлетико" дарвозасига белгиланган пенальтига қарши чиқди.
Диего Симеоне шогирдлари Чемпионлар лигаси умумий босқичи 3-тури доирасида ўз майдонида “Лилл”га имкониятни бой бериб қўйди (1:3).
74-дақиқада 1:1 ҳисоби қайд этилаётган бир пайтда Бенжамин Андре Коке билан тўп учун курашаётганда йиқилиб тушган ва италиялик ҳакам Марко Гуида “Атлетико” дарвозасига пенальти белгилади. Пенальтини Жонатан Дэвид голга айлантириб, “Лилл”ни олдинга олиб чиқди.
“Кўпчилик менга ҳар доим пенальти бериш осон иш эканини айтишарди. Лекин бу контакт пенальти беришга арзимайди. Бу пенальти эмас.
Мен эпизодни тўрт-беш марта кўрдим, ҳеч қандай шубҳали ҳолатни кўрмадим. У ҳатто рақибга тегмади ҳам.
Ҳаммасини тўғри бажариш керак. Ҳакамларда голни аниқлайдиган барча қурилмалар бор ва улар фақат ВАРнинг олдига бориб, эпизодни томоша қилишлари керак", — деди собиқ ҳакам.
