Чемпионлар лигаси гуруҳ босқичининг 3-турида «Барселона» «Бавария»ни йирик ҳисобда мағлуб этди – 4:1.
Бразилиялик ҳужумчи Рафинья ушбу ўйинда учта гол урди ва бу юбилейни нишонлашнинг ажойиб усули бўлди. Қанот ҳужумчиси учун бу ўйин каталонияликлар сафида барча турнирлардаги 100-ўйин бўлди.
Эслатиб ўтамиз, бразилиялик футболчи 2022 йилда Англияда «Лидс» клубидан «Барса»га ўтган эди. Ҳаммаси бўлиб юзта ўйинда у 29 та гол урди ва 33 та голли узатмани амалга оширди. Кейинги ўйинда «Барселона» Белградда «Црвена Звезда» билан ўйнайди, бу 6 ноябрь куни бўлиб ўтади.
