"Интер" ярим ҳимоячиси Николо Барелла жамоасининг Чемпионлар лигаси доирасидаги "Янг Бойз" устидан қозонилган ғалабаси (1:0) ҳақида фикр билдирди.
"Бу очиқ ўйин бўлди. Биз бошида имкониятларимиздан унумли фойдалана олмадик, кейин эса рақибларнинг ўзига бўлган ишончи ортди. Чемпионлар лигасида осон ўйинлар бўлмайди.
Агар сиз ўзингизни ўйинни бошқараётгандек ҳис қилсангиз, ишлар мураккаблашиши мумкин. Захира футболчилари ажойиб ўйин кўрсатишди.
Кубоклар ва чемпионликлар шу тарзда қўлга киритилади. Характер кўрсатдик ва уч очко учун охиригача курашдик. Бу ғалаба бизга ишонч бағишлайди", - деди Барелла Sky Sports нашрига.
