"Интер Майами"нинг чап қанот ҳимоячиси Жорди Альба Лионель Мессининг "Олтин тўп"га даъвогарлар қаторига кирмаслигини адолатсизлик деб ҳисоблайди.

Аргентиналик футболчи ўтган йили саккизинчи марта совринни қўлга киритган бўлса, бу сафар у номзодларнинг кучли ўттизталиги орасида ҳам йўқ эди.

"Мен учун Месси ҳар доим номзодлар орасида бўлиши керак. "Интер Майами"га қўшилганидан кейин унга нисбатан жиддий қаралмаган бўлиши мумкин, аммо у барибир ўзгаришларни амалга оширади.

Мен учун у дунёдаги энг зўр футболчи, бунга ҳеч қандай шубҳа йўқ. Лео ўз жамоасига қиймат беришда давом этмоқда ва у ҳар доим ўзининг энг зўр эканлигини исботлайди.

Аммо мукофот ҳали унга эга бўлмаган кишига берилиши яхши", - дея Альбанинг сўзларидан иқтибос келтиради Inter Miami Hub.