Ғузорда бўлиб ўтган “Шўртан” – “Олмалиқ” (1:1) баҳсидан кейин меҳмонлар бош мураббийи Игорь Шквириннинг фикрлари қуйидагича бўлди.

— Ўйин курашларга бой бўлди. “Шўртан”нинг янги жамоа эканлиги, мураббийнинг эса ниманидир ўзгартиришга ҳаракат қилаётгани кўриниб турибди. Ўзимнинг жамоам ҳақида гапридаган бўлсам, бизда ҳам янги футболчилар бор ва уларнинг жамоага киришиб кетиши тез кечмаяпти. Захирадан майдонга тушган Шариф Мирзаев ёшлик қилиб қизил карточка олиб қўйди, натижада унинг ўйинидан баҳра ололмадик. Гарчи 10 киши бўлиб қолган бўлсак-да, иккинчи голни уриб ғалаба қозониб кетишимиз мумкин эди. Лекин шунга қарамай, 1:1 ҳисобини ўйинга яраша деб ҳисоблайман. Чунки бу ўйинда “Шўртан” ҳам ютиб кетиши мумкин эди.

— Нима сабабдан захирада қолган Мўйдин Мамазулумов билан Шаҳбоз Эркиновга ўйнаш имкониятини бермадингиз?
— Мўйдин кечаги ўринбосарлар баҳсида бир тайм тўп сурди, шу боис унга дам олиш имконини бердим. Шаҳбоз эса бироз оғир ҳаракат қиладиган футболчидек кўринмоқда. Шунинг учун енгил ўйнайдиган Зафар Полвоновнинг охиригача тўп суришини хоҳладим.