Суперлигада 22-тур ўйинлари давом эттирилди. «Пахтакор» жамоаси бу тур сафарда «Қизилқум» билан куч синашди ва 0:2 ҳисобида имкониятни бой берди. Беллашувдан сўнг жамоа мураббийи Камолиддин Тожиев матбуот анжуманида иштирок этди.

— Тўпни ва ўйинни назорат қилиб, икки тўп фарқи билан ютқаздик. Иккита хато иккита гол билан тугади.

— «Пахтакор»га нима етишмаяпти?

— Бизда гол урадиган ҳужумчи йўқ. Вазиятлар яратиб дарвозага тепмаса, гол бўлмайди.

— Холдорхоновнинг майдонга тушиши ҳужумни кучайтиририш режаси эдими?

— Биз 3 марказий ҳимоячи билан тўп тепаётган эдик. Кейин, мудофаа вакиллари сонини 4 тага етказиб Холдорхоновни ҳужумга ташладик. Азмиддинов қанот ҳимоячисии вазифасини бажарди. Бир-икки ўзгариш нишонга тегмади.

— Қаршидаги икки учрашувда ҳам очко йўқотдингиз, буни стадионга қандайдир талуқли жойи борми?

— Майдоннинг таъсири эмас. Бугун иккита хато қилдик ва бу гол бўлди. Баъзида 20 та хато қилганда ҳам рақиб дарвоза олдига яқинлаша олмайди.

— «Пахтакор» совринли ўринлар учун курашдан чиқдими?

— Нега? Биз охиригача кураш олиб борамиз.