Испания чемпионатининг 11-туридан ўрин олган учрашувда Мадриднинг “Реал” клуби ўз майдонида Каталониянинг “Барселона” клубини қабул қилиб, йирик 0:4 ҳисобида мағлуб бўлди. Ушбу учрашувдан сўнг испан ОАВлари "Лос Бланcос"нинг юлдуз ҳужумчиси Килиан Мбаппенинг ўйинини танқид қилишди.
"Мбаппенинг "эл-класико"даги дебюти муваффақиятсиз бўлди. У ёмон ўйнади ва саккиз марта офсайдга тушиб қолди. Килиан қўрқоқ кўринди", - дейди АS журналистлари ўз материалларида.
Эслатиб ўтамиз, франциялик ҳужумчи ёзги трансфер ойнасида Мадрид гранди сафига қўшилган эди. Мбаппе "қироллик" клуби билан беш йилга меҳнат шартномаси имзолади. Ла Лиганинг жорий мавсумида 25 ёшли ҳужумчи ўнта ўйинда 6та гол урди.
