"Реал Мадрид" президенти Флорентино Перес жамоа бош мураббийи Карло Анчелотти келажаги борасида бир қарорга келди. Менежер италиялик мутахассисга тўлиқ ишонади ва ишдан бўшатиш ҳақида ўйламайди, дея хабар беради Todofichajes.
Ўтган мавсумда Анчелотти бошчилигида "Лос Бланкос" Испания чемпиони ва УEФА Чемпионлар Лигаси ғолибига айланди. 65 ёшли мутахассис 2021 йилнинг июлидан бери Мадрид грандига устозлик қилиб келмоқда.
Бир кун аввал "Реал" "Сантьяго Бернабеу"да каталониялик "Барселона"дан йирик ҳисобда мағлуб бўлди. “Қаймоқранглилар” асосий рақибига 0:4 ҳисобида имкониятни бой беришди. Ушбу муваффақиятсизликдан сўнг мадридликлар Ла Лигада каталонияликлардан 6 очко ортда қолмоқда.
